Os beneficiarios do proxecto son as persoas traballadoras das pemes que operan na industria auxiliar da construción naval en Galicia  e que perderon o seu traballo, entre o 23/05/2019 e o 23/02/2020, por motivos obxectivos e como resultado directo da crise financeira e económica mundial.

A través da seguinte ligazón podes consultar as pequenas e medianas empresas da industria auxiliar naval galega que se viron afectadas pola redución de carga de traballo de dous dos principais estaleiros de Galicia, estaleiro privado Hijos de Barreras (Vigo) e estaleiro público Navantia (Ferrol), así como a liquidación do estaleiro privado Factorías Vulcano S.A. (Vigo), que se incluíron no proxecto.